देवदह ।  सगरमाथा आवासीय माध्यमिक विद्यालयमा साप्ताहिक कार्यक्रमअन्तर्गत शुक्रवार गायन तथा खेलकुद प्रतियोगिता सम्पन्न भएको छ ।

कक्षा ७ देखि १० सम्मका छनोट चरण पार गरेका २५ विद्यार्थीबीच भएको गायन प्रतियोगितामा कक्षा १० ब्लुकी जान्वी मास्की प्रथम, कक्षा ७ ब्लुकी जेसीका ढकाल द्वितीय र कक्षा १० ब्लुका दयाराज आले तृतीय भए ।

कक्षा ७ ब्लुका एलिस पाण्डे र कक्षा ७ रेडकी खुसी विकले सान्त्वना स्थान हासिल गरे ।

सगरमाथा बाल क्लबको आयोजनामा सम्पन्न भएको प्रतियोगितामा विद्यालयका सह–प्राचार्य लेखनाथ काफ्लेको अध्यक्षता र इ.सि.ए. संयोजक दधिराम ज्ञवालीको सञ्चालनमा रहेको थियो । विद्यालयका सह–प्राचार्य प्रदीप अधिकारी र संगीत शिक्षक विसन घल निर्णायक मण्डलमा रहेका थिए ।

यसैगरी सगरमाथा स्पोर्ट्स क्लबको आयोजना तथा बाल क्लबको सहभागितामा चेस र टेबल टेनिस प्रतियोगिता सम्पन्न भए । चेसतर्फ कक्षा १० का मौसम पुन प्रथम, कक्षा १० रेडका सुदिप तामाङ द्वितीय र कक्षा १० रेडका चन्दु कुँवर तथा लभिस थापा तृतीय भए ।

त्यसैगरी टेबल टेनिस (छात्रा) तर्फ कक्षा १० ब्लुकी सूचना सुनार प्रथम, कक्षा ६ ब्लुकी ऐस्लिन थापा द्वितीय र कक्षा १० ब्लुकी जस्मिन कुँवर तृतीय भए । छात्रतर्फ जुनियर टेबल टेनिसमा कक्षा ६ ब्लुका शुसान्त थापा प्रथम, कक्षा ६ ग्रीनका सिजन थापा द्वितीय र कक्षा ६ ग्रीनका आदित्य रायमाझी तृतीय भए ।

सिनियर टेबल टेनिस (छात्र)तर्फ कक्षा १० रेडका सौरभ मल्ल प्रथम, कक्षा १० रेडका स्वयंम् नेपाली द्वितीय र कक्षा १० ब्लुका दयाराज आले तृतीय स्थानमा रहे ।

खेलकुद प्रतियोगिताको संयोजन खेल शिक्षक सुजाता रानाले गरेकी थिइन् ।